Suohkan galgá addit ortnetnjuolggadusaid vuođđoskuvlii. Ortnetnjuolggadusat galget dáhkkot oahpisin ohppiide ja váhnemiidda. Njuolggadusčállosis galget čuožžut njuolggadusat mat gusket meannudeapmái ja doaibmabijuide ja movt bargá jus oktage rihkku njuolggadusaid. Ráŋggáštusat mat eai boađe ovdan ortnetnjuolggadusain, eai sáhte geavahuvvot. Ii galgga rumašlaččat ráŋggáštit dahje eará ládje loavkidit oahppi.

Vuođđoskuvlla oahppit ja sin váhnemat/ovddasteaddjit.

Ovdal go mearriduvvo ahte oahppi galgá biddjot eret skuvllas dahje eará ládje ráŋggáštuvvot, galgá oahppis leat vejolaš čilget njálmmálaččat iežas beali sutnje gii galgá loahpalaččat mearridit. Ovdalgo rektor mearrida eretbidjama, galgá son ráđđádallat oahppi oahpaheddjiin. Eará veahkke- dahje ráŋggáštandoaibmabijuid galgá árvvoštallat ovdalgo eretbidjan mearriduvvo.

Ordensreglement (Udir.)

Opplæringslova

Don sáhtát váidit duođalaččamus ráŋggášteami, mii dás mearkkaša dan mearrádusa ahte oahppi bijahallá eret skuvllas ovtta beaivái dahje guhkit. Váidda galgá leat čálalaš ja ákkastallojuvvon. Váidaga sáddet rektorii. Váidináigemearri lea golbma vahkku dan rájes go ožžot mearrádusreivve. Váidagis galgá boahtit ovdan makkár rievdadeami don dáhtošit mearrádusas ja fertet ákkastallat dan. Váiddainstánsa lea Fylkkamánni. Ovdal go sáddet váidaga, de galgá rektor árvvoštallat lea go ágga rievdadit mearrádusa.