Fylkasuohkan galgá addit joatkkaskuvllaide ortnetnjuolggadusaid ásahusa.  Ortnetnjuolggadusaid galgá oahpisin dahkat ohppiide ja váhnemiidda. Njuolggadusain galget čuožžut njuolggadusat mat gusket meannudeapmái ja doaibmabijuide ja movt bargá jus oktage rihkku njuolggadusaid. Njuolggadusat eretbidjama birra galgá čuožžut ortnetnjuolggadusain jus dakkár ráŋggáštusa galgá sáhttit geavahit. Hui erenoamáš ákkaid geažil sáhttá oahppi biddjot eret reasta dan skuvlajagis dahje massit rievtti oažžut joatkkaskuvla oahpahusa. Dát guokte maŋemus ráŋggáštusa sáhttá skuvla geavahit vaikko vel eai čuoččoge ortnetnjuolggadusain.   

Eará ráŋggáštusat mat eai čuoččo ortnetnjuolggadusain eai sáhte geavahuvvot. Ii galgga rumašlaččat bagadit dahje eará ládje loavkidit ohppiid.

Joatkkaskuvlla oahppit ja sin ovddasteaddjit

Ovdal go mearriduvvo ahte oahppi biddjo eret skuvllas dahje eará ládje ráŋggáštuvvo, de galgá oahppi oažžut vejolašvuođa čilget njálmmálaččat sutnje guhte galgá mearridit. Ovdalgo rektor ieš mearridat eretbidjama, de galgá rektor ráđđádallat oahppi oahpaheddjiiguin.

Fylkasuohkan dat mearrida eretbidjat oahppi reasta skuvlajagi dahje ahte oahppi galgá massit rievtti oažžut joatkkaskuvlaoahpahusa. Eará veahkke- ja ráŋggáštandoaibmabijut galget árvvoštallojuvvon álggos.

Ordensreglement (Udir.)

Opplæringslova

Sáhtát váidit duođalaččamus bagadandoaibmabijuid, nugo eretbijahallama beaivái dahje guhkit áigái dahje rivttiid massima. Váidda galgá leat čálalaččat ja ákkastallojuvvon. Don sáddet váidaga sutnje guhte lea mearridan ráŋggášteami. Váidináigemearri lea golbma vahku dan rájes go leat ožžon mearrádusreivve. Váidagis galggat dieđihit maid áiggošit rievdadit mearrádusas ja fertet ákkastallat dan.

Váiddainstánsa lea fylkadiggi dahje erenoamáš váiddalávdegoddi man fylkadiggi lea ásahan.  Mearrádusa joatkkaskuvlla oahpahusa rievtti massima hárrái leat fylkkamánni váiddainstánsa. Ovdal go váidda sáddejuvvo dohko, de galgá dat instánsa mii dagai mearrádusa, árvvoštallat lea go ágga rievdadit dán mearrádusa.