Go mánná lea biebmoruovttus dahje institušuvnnas, de lea mánás ja váhnemiin ovttastallanriekti jus fal eará ii leat mearriduvvon. Vaikko váhnemat eai nákce váldit ovddasmorraša máná ovddas, de goitge lea mávssolaš mánnái doalahit oktavuođa iežas biologalaš bearrašiin. Mánáidsuodjalus sáhttá maid mearridit ahte earát go váhnemat maid galget oažžut rievtti ovttastallat mánáin.

Váhnemat ja erenoamáš dilálašvuođain maiddái ádját ja áhkut, oarbinat, nappo oappát ja vielljat, muoŧát/goaskit/siesát/imit ja ednot/čeazit/eagit/mágat ja máná buoremus olbmát.

Mii mánnái lea buoremus.

Alt om barnevernet (fra Buf-direktoratet)

Barnevernsloven
Forvaltningsloven

Suohkana mánáidsuodjalus evttoha mearrádusaid. Mánáidsuodjalusa ja sosiála áššiid fylkalávdegoddi, mii lea stáhta doaibma, mearrida ášši. Fylkalávdegoddi lea duopmostuolu sullasaš orgána man jurista jođiha. Lávdegottis leat sihke áššedovdit ja olbmot, geain ii leat formálalaš oahppu.