Leat go du ovddasmorašbarggut maidda dárbbahivččet helpema? Suohkan sáhttá ovdamearkka dihte fállat helpema nugo ruovttuveahki, beaivefálaldaga dahje oanehit áigái orrunsaji buhcciidruovttus. Helpen galgá addit dutnje áiggi normála friddjaáigái, vejolašvuođa máŧkkoštit luomus ja áiggi doalahit sosiála fierpmádaga.

Son gii atná ovddasmorraša  vuorasolbmuide, doaimmashehttejuvvomiidda dahje earáide geat dárbbašit divššu.

Dus galgá leat erenoamáš losses ovddasmorašbargu. Ákkat maid galgá vuhtii váldit leat ee. :

• Jus don barggat olu diimmuid mánnosaččat ovddasmorašbargguin
• Jus ovddasmorašbargu lea losit juogo fysalaččat dahje psyhkalaččat go dábálaččat
• Jus ovddasmorašbargu mielddisbuktá olu idjabarggu dahje šattat dávjá ihkku lihkkat.

Lea suohkan mii ovttasráđit dutnje gii leat ohcci, mearrida makkár bálvalus galgá addot.

Bálvalus lea nuvttá.

Hjelpetilbud i kommunen
Pasient og tolk. En brosjyre om tolk i helsetjenesten

Dát lea láhkageatnegas bálvalus dearvvašvuođa- ja fuolahusbálvaluslága vuođul.

Forvaltningsloven
Helse- og omsorgstjenesteloven
Pasient- og brukerrettighetsloven
Kvalitetsforskrift for pleie- og omsorgstjenestene

Sáhtát váldit oktavuođa suohkaniin oažžun dihte veahki ohcat helpema. Sihke son guhte addá ovddasmorraša ja maiddái son guhte dárbbaša veahki ieš, sáhttá ohcat helpema.

Suohkan viežžá dárbbašlaš dieđuid vai sáhttá meannudit ášši. Dasto mearriduvvo ášši. Dábálaččat oaččut maid ákkastallama mearrádusa mielde. Oaččut álo ákkastallama jus sáhttá jurddahit ahte it šatta duhtavaš mearrádusain. Jus ákkastallan ii čuovo mearrádusreivve, de sáhtát oažžut dan go válddát oktavuođa suohkaniin váidináigemeari siskkobealde.

Suohkan galgá meannudit áššu nu jođánit go vejolaš. Jus eai sáhte meannudit ášši mánu sisa, de galggat oažžut čálalaš dieđu das manin meannudeapmi lea maŋŋánan. Galggat maid oažžut dieđu goas sáhtát vuordit ahte du ášši mearriduvvo.

Jus leat duhtatmeahttun mearrádusain, de sáhtát váidit suohkanii áigemeari siskkobealde mii lea golbma vahku dan rájes go ožžot mearrádusreivve. Sihke fuolaheaddji ja son guhte dárbbaša divššu, sáhttá váidit mearrádusa. Čilge mainna leat duhtatmeahttun ja manne oaivvildat ahte mearrádusa ferte rievdadit. Jus dárbbahat bagadallama, de váldde oktavuođa suohkaniin. Jus suohkan doalaha mearrádusas, de sáddejuvvo ášši viidáset Fylkkamánnii, guhte mearrida galgá go váidda váldojuvvot vuhtii.