Oahpásmahttinprográmma ulbmil lea nannet báhtareddjiid vejolašvuođa bargoeallimis ja nannet sin ekonomalaš iešbirgejumi. Eaktun lea ahte orut ovtta suohkanis, olgoriikkaeisseválddiid soahpamuša mielde, ja ahte dárbbahat vuođđogelbbolašvuođaid.

Oahpásmahttinprográmma galgá unnimusat sisttisdoallat dárogieloahpahusa ja servodatoahpu ja ráhkkanahttit olbmo oassálastit bargoeallimis. Prográmma galgá leat birrajagi ja ollesáigge doaibma ja sáhttá bistit guokte jagi. Galgá ráhkaduvvot juohke oktii sierra plána oahpahusdárbbuid vuođul. Go leat oasseváldi, de lea dus riekti oažžut oahpásmahttindoarjaga dása. Jahkásaččat dahká dát doarjja guovtte geardde álbmotoaju vuođđosupmi. Olbmot vuollel 25 jagi ožžot 2/3 doarjagis.

Aitto boahtán báhtareaddjit gaskal 18 ja 55 jagi ja geat leat ožžon orrunlobi nu go čállojuvvo dás vuolábealde. Aitto boahtán olbmuid oaivvilduvvo ahte leat leamaš riikkas vuollel guokte jagi

Okta dáin eavttuid gusto:

• Don leat ožžon asyla
• Don leat sirddolašbáhtareaddji mas lea sisafárrenlohpi
• Don leat ožžon orrunlobi humanitára ákkaid vuođul dahje asyla ohcamuša vuođul
• Don beasat deaivvadit bearašlahtuiguin, geat eai leat orron riikkas eambbo go vihtta jagi
• Don leat, maŋŋel earráneami, ožžon iehčanas orrunlobi riikkas, go leat biinniduvvon náittosdilis/ovttaseallimis

Bálvalus lea nuvttá.

Oahpásmahttinprográmma lea suohkana ovddasvástádus.

Forvaltningsloven
Integreringsloven

Suohkan galgá gozihit oahpásmahttinprográmma nu jođánit go vejolaš ja golmma mánu sisa maŋŋel go leat fárren suohkanii. Jus it leat mánu sisa ožžon dán fálaldaga, de galggat oažžut čálalaš čilgehusa dán birra, mas leat dieđut goas doivot oahpásmahttinprográmma sáhttá álgit.

Sáhtát váidit mearrádusa

• prográmma/doarjaga juolludeami birra  
• jus mearkkašáhtti olu rievdadit plánain
• jus prográmma bissehuvvo
• permišuvnna dohkkeheamis

Váidda ferte addot áigemeari siskkobealde, mii lea golbma vahku dan rájes go ožžot mearrádusa. Čilge mainna leat duhtatmeahttun, ja manne oaivvildat ahte mearrádusa ferte rievdadit. Jus dárbbahat bagadallama, sáhtát váldit oktavuođa suohkaniin. Jus suohkan doalaha mearrádusas, de sáddejuvvo ášši viidáset Fylkkamánnii, gii dasto mearrida galgá go váldit vuhtii du váidaga.