Soapmásiin sáhttá leat váttis nákcet oastit alcces viesu dahje ásodaga dahje ain orrut dan viesus/ásodagas gos dál orru. Lea suohkana ovddasvástádus ahte juohkehaččas leat buorre ja oadjebas báiki gos orru ja Nav galgá veahkkin gávdnat orrunsaji sidjiide geat eai ieža nákce háhkat alcceseaset orrunsaji.

Hejotbirgejeaddjit

Suohkan árvvoštallá makkár veahki guhtege dárbbaha ja makkár veahkkebálvalusat gávdnojit.

Geahča suohkana njuolggadusaid.

Forvaltningsloven
Sosialtjenesteloven

Suohkan galgá meannudit ášši jođáneamos lági mielde. Jus eai sáhte meannudit ášši mánu sisa, de galggat oažžut čálalaš ákkaid manin eai meannut nu jođánit. Galggat seammás oažžut dieđu goas doivot geargat mearridit ášši.

Jus it leat duhtavaš mearrádusain, sáhtát váidit suohkanii áigemeari siskkobealde, namalassii golmma vahkus sisa dan rájes go ožžot mearrádusa. Čilge mainna it leat duhtavaš ja manin oaivvildat ahte mearrádusa ferte rievdadit. Jus dárbbahat bagadallama, sáhtát váldit oktavuođa suohkaniin. Jus suohkan doalaha mearrádusas, de sáddejuvvo ášši suohkana váiddalávdegoddái, mii mearrida galgá go váidda váldot vuhtii.